Наскоро ќе почне да го гради забавен парк во Скопје

Градоначалникот на Град Скопје, Петре Шилегов во своето интервју за „Локално“ најави дека многу бргу ќе започне да се гради забавниот парк.

-Многу брзо ќе влеземе во тендерска постапка, како и во негова импементација, односно, набавка на забавен парк. Не губиме премногу, бидејќи таквите инсталации се секаде во светот забранети поради пандемијата, изјави Шилегов.

Според најавите годинава се предвидува да се изработи проектот и да почне изградба на инфраструктура и објекти.

Главниот град веќе долго време нема забавен парк. Луна паркот во Скопје беше изграден во 1973 година и оттогаш ниту не беше реновиран, ниту реквизитите беа заменети со нови.