Научникот кој победи во трката за лансирање на првата вакцина против коронавирусот изјави дека луѓето можат да бидат сигурни дека вакцината е безбедна и дека технологијата што стои зад неа наскоро ќе се користи за борба против уште една глобална чума – ракот.
Пред истражувањето на ковид-19, научникот Озлем Туречи, која заедно со нејзиниот сопруг ја основаа германската компанија „Бионтек“, ја проучувала способноста на човечкото тело да се брани од бактерии и вируси, обидувајќи се да се бори против ракот со имунотерапија која стимулира механизми за само-лекување и предизвикува сопствена „внатрешна движечка сила“ на телото за да се направат малигните тумори безопасни.
Истражувањето и искуството на оваа двојка во областа на mRNA им помогна да ја развијат вакцината Biontek-Pfizer за невообичаено кратко време, помалку од една година, што стана првата вакцина против ковид-19 достапна во светот, откако во ноември 2020 година во Соединетите држави добија лиценца за употреба.
Овој пар денес беше награден со највисоко одликување во таа земја – Орден за заслуги – за време на церемонијата на која присуствуваше канцеларката Ангела Меркел.
– Започнавте со лек за лекување на рак кај индивидуа. И денес имаме вакцина за целото човештво – рече Штајнмаер, како што пренесе американската агенција АП.