Тајната на обоените прстени на Јупитер е решена во студијата за меѓуделување меѓу атмосферата и магнетните полиња, објавија австралиските научници.
Јупитер, најголемата планета во Сончевиот систем, е гасовите и во поголем дел составена од водорот и хелиум, па нема цврста површина како Земјата.
Слично на Земјините воздушни струења, кои се клучни за времето и климата, неколку силни воздушни струи се движат од запад кон исток на Јупитеровата атмосфера и попат носат облаци амонијак кои формираат обоени појаси во нијанси на бела, црвена, портокалова, кафеава и жолта боја.
До неодамна беше малку познато што се случува под Јупитеровите облаци.
„Научниците долго расправаа колку длабоко воздушните зтруи досегнуваат под површината на атмосферата на Јупитер и други гасовити џинови и зошто не се појавуваат во внатрешноста на СОнцето“, рече шефот на истражувањето на австралискиот универзитет Навид Константину.
Новите докази од сондата на НАСА, „Џуно“ покажуваат дека тие струи досегнуваат длабочина и до 3.000 километри, наведуваат научниците.
Џефри Паркер, соработник на студијата, вели дека нивната теорија покажува дека струите ги притиска силно магнетно поле.
„Гасот во внатрешноста на Јупитер е магнетизиран, па затоа сметаме дека нашата нова теорија објаснува зошто струите одат толку длабоко под површината на атмосферата на гасовитиот џин, но не и подлабоко“, вели тој.
„Нема контитнент или планина под атмосферата на Јупитер кои би го спречиле патот на воздушните струи“, додава тој.