САД на никаков начин не се вклучени во нападот што се случи денеска во Иран, а Вашингтон нема причина да верува дека Израел бил вмешан во нападот, изјави портпаролот на Стејт департментот Метју Милер, пренесе Ројтерс.
Најмалку 103 лица загинаа денеска во експлозија во иранскиот град Керман, во близина на гробиштата каде што беше погребан поранешниот командант на иранската револуционерна гарда Касем Сулејмани, јавија иранските државни медиуми.
Според иранската новинска агенција ИРНА, во Керман се слушнале две експлозии, по повод четвртата годишнина од неговото убиство.
Сулејмани ги предводеше иранските сили Кудс две децении и ги предводеше надворешните операции на Корпусот на Исламската револуционерна гарда (IRCG), а беше убиен во американски воздушен напад во близина на Багдад во јануари 2020 година.