„Повеќе ми е преку глава од целата таа приказна. На секои две години, некој сака да ми ја земе лиценцата. Па, нека ми ја земат, пензионер сум. Но, тогаш кога ќе ми ја земат, тогаш ќе можам да го кажам тоа што сакам! И, што ќе се случи потоа?!“, изјавил проф. д-р Бранимир Несторовиќ, пулмолог и поранешен член на српскиот Кризен штаб за борба против Ковид-19, коментирајќи ја одлуката на некои лекари од здружението „Обединети против Ковид“ да го пријават во Лекарската комора на Белград за наводно кршење на Етичкиот кодекс.
„Прво, познавам многу луѓе во таа група и тие сигурно не потпишале такво нешто. Второ, тоа е здодевна и глупава приказна. Ги повикав луѓето од тоа здружение да назначат едно или две лица да седнат пред камерите и да видат што мисли некој за тоа на националната програма. Да се тужи некого за стручно мислење, особено сега кога е објавено истражување од Стенфорд, најголемата светска епидемиологија, дека затворањето и ограничувањето на движењето нема никакво влијание врз епидемијата е целосна глупост“, вели д-р Несторовиќ и додава дека „тажно е да се решаваат медицински прашања преку тужби и дискусија со експерти “.
„Од почетокот на епидемијата нема конфронтација на мислењата. Таа приказна не ме интересира повеќе. Нека ми ја одземат лиценцата и тогаш ќе бидам смирен“, повторил Несторовиќ.