Сојузниот обвинител во Њујорк и ФБИ барале да разговараат со британскиот бринц Ендрју, поради истрагата поврзана со финансиерот Џефри Епштајн.
– Јужниот округ Њујорк и ФБИ ги контактираа адвокатите на принцот Ендрју и побараа интервју со него. До денес принцот пружи нулта соработка – рекол американскиот обвинител Геофреј Берман.
– Тој и сам понуди, во соопштението за јавноста, дека ќе соработува со полициските органи кои ги истражуваат криминалите кои ги направил Џефри Епштајн и личностите поврзани со него – додал Берман.
Обвинителот не сакал да открие што точно сакаат да дознаат од принцот, иако рекол дека Епштајн не можел да ги направи делата без помош од своите помагатели. Сојузниот обвинител обично не открива кого го бараат, но Берман рекол дека јавноста има право да знае бидејќи принцот Ендрју јавно изразил спремност за соработка.
Во ноември војводата рекол дека е подготвен да помогне и да одговара на прашањата на било која агензија за спроведување закони и истраги.