Кога дожд од огнени топки паѓаа во Чиле минатиот месец, сите претпоставија дека се работи за метеори, па мистеријата брзо заврши. Но, анализите покажаа дека нема ниту трага од такво нешто.
Мистериозниот огнен феномен падна на седум локации во градот Далкауе на чилеанскиот остров Чилое кон крајот на септември. Мораа да интервенираат локалните пожаникари бидејќи огнените топки предизвикаа мали пожари.
Првичните информации велеа дека се работи за дожд од метеори. Но, анализите направени од чилеанските геолози покажаа дека на ниту една од седумте локации каде паѓаа огнените топки нема ниту минумална трага од метеор.
Se reporta caída de meteorito en mocopulli chiloe pic.twitter.com/7w3KGEgnln
— marcelo macaya (@mmacaya) September 25, 2019
Па што тогаш паѓаше од небото над Чиле? Со елиминирањето на метеорите, сега претпоставките се дека се работи за вселенски отпад. Сепак, понатамошната истрага ќе треба да потврди дали оваа теорија е точна или мистеријата ќе продолжи.