Помалку од една недела останува до 7 мај, кога очекуваме да се одржи премиерата на серијата
смартфони Pixel 3a, која ќе биде позиционирана во горниот крај на средниот сегмент. Веќе
разбравме многу за нивните карактеристики, но сајтот Droid Life е подготвен да ги открие сите
останати непознати за Pixel 3a и 3a XL и да ни покаже многу официјални рендери на моделите.
Достапни се и страници од нивниот промотивен сајт, кој содржи дополнителни детали за
функционалноста на уредите кои ќе бидат достапни во црна, бела и виолетова.
Техничките карактеристики веќе се дискутирани, но сепак добиваме нова потврда за некои од
нивните параметри. Pixel 3a ќе предложи 5.6-инчен дисплеј, а од Pixel 3a XL оекуваме 6,0-инчен
панел. И двata ќе имаат 12.2MP Dual Pixel главна камера, 4GB RAM, 64GB меморија, 8MP селфи
камера, сензори за притисок Active Edge во страничната рамка и сензор за отпечатоци на грбот.
Оперативниот систем ќе биде Android 9.0 Pie, а батериите ќе имаат капацитет 3000mAh и 3700mAh.
Телефоните ќе понудат функции на Pixel 3, како што е опцијата Night Sight, која ви овозможува да
креирате импресивни ноќни снимки. Ќе се додадат повеќе режими на портрет, Автоматски фокус
на движење и неограничено место за Google Photos. Поддршката за брзо полнење е вклучена, а
уредите Pixel ќе добиваат надградби за безбедноста и оперативниот систем од 3 години.
Во меѓувреме, каналот This is Tech Today на YouTube излезе со повеќе детали за моделите. Од
објавено видео, ги гледаме продажните пакети на двата телефони, дознаваме дека нивната цена во
САД ќе започне од 399 долари и 479 долари, што звучи прилично сигурно. Цената е значително
пониска од премиум моделите Pixel 3 и може да доведе до значителни продажби што ќе му помогне
на Google да го раздвижи својот хардверски бизнис.