Постојат значителни промени на картата објавена од Европскиот центар за контрола и превенција на болести (ECDC).
Мапата се ажурира секоја недела. Ова е најважната карта за коронавирус во Европската унија, бидејќи земјите-членки на ЕУ донесуваат мерки и ги одредуваат правилата за влез од одредена земја точно според бојата што ја има земјата на оваа мапа.
Боите за одделни области се одредуваат со комбинација на потврдени случаи на инфекција во изминатите 14 дена на 100.000 жители и процентот на тестирана популација.
Судејќи според најновата мапа, очигледно е дека работите се променија во споредба со минатата недела.
Скоро цела Франција, мал дел од Италија, како и повеќе од половина од Грција, се со портокалова боја. Потоа, поголемиот дел од Данска, централниот дел на С. Македонија, помалите делови на Шведска и Финска се исто така портокалови.
Како и минатата недела, хрватскиот брег е сè уште портокалов, додека континенталниот дел на оваа земја сè уште е во зелената зона.
Во црвената зона се наоѓаат Португалија, повеќе од половина од Шпанија, Ирска, Луксембург, третина од Холандија, дел од Грција (Лефкада, олимпискиот регион, Кефалонија, Закинтос), мал дел од Данска и Малта.
Областите во кои епидемиолошката состојба е најтешка се обележани со темно црвена боја. Оваа недела делови од Шпанија и Холандија, Кипар и Крит беа обележани со таа боја.