Берлин воведува построги казни за нелегално депонирање. Надлежните со високи казни се обидуваат да го решат проблемот со сметот со кој се борат со години.
Според новиот каталог на казни што го напиша германски „Моргенпост“, казните драстично ќе се зголемат.
На пример, фрлањето отпушоци, чаши за еднократна употреба и најлонските кеси ќе се казнува со 250 наместо досегашните 55 евра.
За поголеми количества отпад од два и повеќе килограми казната ќе биде до 3.000 евра. Претходно висината на казната за фрлање големо количество смет изнесуваше само 100 евра.
За неовластено фрлање кабаст отпад казните ќе се зголемат од 4.000 до 8.000 евра во зависност од количината. Претходно максималната сума беше 400 евра. Секој што ќе уништи растенија или ќе запали зелени површини се соочува со казна до 10.000 евра.
Друга иновација се однесува на несоодветното отстранување на кесите за ѓубре. Неправилното фрлање на кесите за ѓубре во иднина ќе се наплаќа по 500 евра по вреќа.