Одмазда: САД започнаа воздушни напади врз десетина локации во Ирак и Сирија

САД започнаа напади врз десетина локации во Ирак и Сирија, соопштија официјални лица.

Соединетите Американски Држави извршија воздушен напад врз десетина локации во Ирак и Сирија што ги користат милитантите поддржани од Иран, во почетокот на одмаздата за нападот со дрон во кој загинаа тројца американски воени лица во Јордан минатиот викенд, изјавиле официјални лица за „Асошиејтед прес“.

Како што е наведено, во првичните напади биле погодени командните и контролните штабови, складиштата за муниција и другите објекти.

Американски официјални лица изјавија за „Ројтерс“ дека нападите биле насочени кон објекти поврзани со Иранската револуционерна гарда и милициите што таа ги поддржува.