Унгарскиот премиер Виктор Орбан упати честитки до ВМРО-ДПМНЕ и Гордана Силјановска-Давкова за победата на двојните избори. Орбан додава дека се радува на идната соработка.
-Честитки до ВМРО-ДПМНЕ, Христијан Мицкоски и Гордана Силјановска-Давкова за заслужената и историска победа на денешните претседателски и парламентарни избори во Северна Македонија! Со нетрпение очекувам да работиме заедно на давање нов импулс на процесот на пристапување на Северна Македонија во ЕУ, објави унгарскиот премиер на социјалните мрежи.
Congratulations to @VMRO_DPMNE, Hristijan Mickoski and Gordana Siljanovska-Davkova on their well-deserved and historic victory at today’s presidential and parliamentary elections in North Macedonia! I am looking forward to working together on giving new momentum to the EU…
— Orbán Viktor (@PM_ViktorOrban) May 8, 2024
Уште лани беше соопштено дека ВМРО-ДПМНЕ ќе разменува искуства со партијата Фидес на Орбан при изработка на програмата за изборите.
Откако беа обработени повеќе од 99 отсто од изборните материјали, убедливо најмногу мандати на парламентарните избори освои ВМРО-ДПМНЕ наМицкоски – 58 пратенички мандати.
Според првите нецелосни и неофицијални изборни резултати, Државната изборна комисија објави дека СДСМ освоила 19 мандати, Европскиот фронт 18, ВЛЕН 13 мандати, Левица 6, исто колку и движењето ЗНАМ.
Македонскиот парламент има 120 пратеници.
Претседателот на ВМРО-ДПМНЕ, Христијан Мицкоски, како историска ја оцени нивната убедлива победа на парламентарните избори и убедливата победа на Силјановска, велејќи дека, како што рече, ова е победа на целиот народ.