Наоми Осака во солзи го заврши мечот на Индијан Велс, откако навивач ја навредуваше и малтретираше.
Во раната фаза од натпреварот се слушаа извици од трибините кои целосно ја исфрлија Осака од чекор.
Таа го загуби мечот со 6:0, 6:4 од Вероника Кудерметова, а веќе во вториот гем при 1:0 за Русинката се слушаа извици: „Наоми, ти си с*ање“.
Настана гужва, други гледачи бараа провокаторот да биде исфрлен од трибините.
Осака потоа и пријде на судијата барајќи нешто да се преземе, но и беше дадено објаснување дека не знае кој го направил тоа и затоа не може да реагира.
Осака се врати во мечот и го освои следниот гем, имаше дури и две брејк можности, но Кудерметова се врати за водство од 2-0 во гемови.
Додека Осака се подготвуваше да сервира за следниот гем, таа беше во солзи, а откако повторно доживеа брејк за 0:3, разговараше со надлежните.
Here's what disturbed Naomi Osaka. Naomi was in tears #IndianWells pic.twitter.com/LW16f9pZv4
— NoFirstName claycourtdal (@SMSTNS) March 13, 2022
Иако повеќето од разговорите не можеа да се слушнат на преносот, надзорникот му рекол на судијата: „Ако ова се повтори, ќе го најдеме“.
Осака беше целосно вон ритам и на крајот доживеа пораз, по што во солзи и се обрати на публиката која сакаше да и даде поддршка и да се огради од провокаторот.
Naomi Osaka asking chair umpire if she can borrow umpires mic to talk to the woman in the crowd. And her convo with supervisor. Naomi was crying #IndianWells pic.twitter.com/lehS7qi8EZ
— NoFirstName claycourtdal (@SMSTNS) March 13, 2022
Осака отворено проговори за своите психички проблеми и борбата против депресијата, а една обожавателка решила да ја злоупотреби и да ја продлабочи кризата.
Naomi Osaka didn’t deserve this… pic.twitter.com/sQLbjsT2p3
— dana (@jazdahubi) March 13, 2022