Глобалната пандемија на коронавирусот се шири низ целиот свет. Погодени се и од земјите во Јужна Америка, од кои Парагвај најдобро се носи, со најмалку заразени и најмалку починати.
Досега има само 159 потврдени случаи и седум смртни случаи во земјата со седум милиони жители. Само три заразени лица се хоспитализирани, а едно е на интензивна нега, според Министерството за здравство.
За споредба, Бразил има 25.000 заразени, Перу 10,000, Чиле скоро 8,000 и Аргентина повеќе од 2.000 заразени. Уругвај има скоро 500 потврдени случаи, а Боливија има 354.
Агресивни мерки на социјално дистанцирање
Претставникот на Светската здравствена организација во Парагвај Луис Алберто Еското за Ројтерс изјави дека успехот на земјата се должи на агресивните мерки на социјално дистанцирање.
– Нивниот најдобар резултат може да се припише на усвојување на мерки за социјално дистанцирање и ставот што го има населението и покрај тоа што живее во тешки услови, нееднаквост и сиромаштија – рече тој.
Парагвајската влада ги затвори училиштата и ги суспендираше големите настани во втората недела од март. Набргу потоа, границите, аеродромите беа затворени и беше нареден целосен карантин на населението со многу малку исклучоци.
Полицијата и војската ги следат улиците и продавниците, а повеќе од илјада луѓе се казнети за кршење на ограничувањата.
Многу малку тестирање
Сепак, Парагвај, исто така, има една од најниските стапки на тестирање на вирусот, со 26,2 тестови на 100,000 население, според СЗО и Пан-американската здравствена организација.
– Има извесно потценување на овие извештаи. Сепак, отсуството на голема смртност или сериозни случаи што го заситуваат системот, покажува дека сè уште немало експоненцијално ширење на заболените – рече сенаторот и поранешен министер за здравство, Есперанза Мартинез.