Освен металната конструкција, сите делови на овој автомобил „Бугати“ се направени од ЛЕГО коцки, вклучувајќи ги светлата, вратите, менувачот на брзини, сопирачките…
Биле потребни повеќе од еден милион ЛЕГО коцки и 2.300 играчки мотори за екипата на компанијата ЛЕГО да ја состави функционалната реплика на еден од најбрзите автомобили на светот. 
Во него можат да седнат две лица, а секој може да го изработи дома!
Од компанијата ЛЕГО тврдат дека „ги поместиле границите на возможното“, а помалата верзија (која не може да се вози) може да се направи дома за само 350 долари.
ЛЕГО „Бугати“ е тежок 1.500 килограми, може да достигне брзина од 19 километри на час и поседува 5,3 коњски сили. За споредба, вистинскиот „Бугати Чирон“ достигнува брзина од 420 километри на час, има 1.479 коњски сили и чини околу три милиони долари.