Можеби ќе се изненадите, но се покажало дека храната не се вреднува само по витамините што ги содржи, туку и по нејзината боја. Поради ова, дури и подобро осветлената кујна може да го промени вкусот на вообичаената храна.
Причината е што сетилата за вкус работат заедно со сетилата за вид. Па, не е важен само вкусот, туку и бојата на храната. Консумирањето храна со одредена боја може да ви помогне да ги зачувате младост и здравјето долго време. Не залудно готвачите се обидуваат да ги украсат нивните оброци со разни бои и нијанси. Се покажало дека оваа разновидност од бои е важна за нашето здравје. Храната со светла боја наводно го зголемува апетитот, а храната со црвена боја е одлична за целокупното здравје.
Црвената боја ја лекува анемијата
Храната со црвена боја е одлична за слабокрвните луѓе, како и за оние на кои постојано им е студено. Доколку сте уморни, црвената храна ќе ви помогне да се вратите во нормала. Црвените овошје и зеленчук го зајакнуваат имунитетот, го подобруваат варењето и го чистат организмот од токсини.
Црвената боја го штити срцето
Причината за ова е ликопенот кој се наоѓа во доматите и чили пиперките и го намалува ризикот од кардиоваскуларни болести и рак на простата. Корисните својства на оваа храна не само што се остануваат после термичката преработка, туку можат и да се зголемат. Па додајте повеќе брусници, црвени сливи, малини и јагоди во вашата исхрана за да го почувствувате ефектот.
Црвената храна содржи и железо кое е потребно за формирање црвени крвни клетки и обезбедува енергија за клетките.
Црвената боја помага во позитивниот поглед на животот
Црвената храна може да ви го подобри погледот кон живот и да ве смири. Исто така таа е богата со витамин Ц кој го зајакнува имунитетот и помага во борбата против вирусните инфекции. Витаминот Ц има и благотворен ефект врз кожата.