Една 60-годишна Италијанка чистела и подготвувала маслинки за еден кулинарски специјалитет за време на операцијата на тумор на мозокот.
Операцијата траела два и пол часа, и бил отстранет туморот од левата страна на мозокот, а пациентката била будна и работела во текот на целата операција, а првиот човек на медицинскиот тим на болницата во Анкона, Роберто Трињани изјави дека операцијата била успешна, јавува Анса.
„Овој метод ни овозможува да ја следиме работата на пациентот и мозокот и помага при операцијата да го„ калибрираме нашето дејствување “, рече д-р Трињани, кој предводеше тим од 11 специјалисти од неврохирурзи, невроанестезиолози, психолози, неврофизиолози и медицински сестри.
Овој метод на работа за време на кој пациентот е буден и го прави она што ќе го одбере се нарекува буден (awake), а екипата на д-р Трињани во последните 5 години извршила околу 60 вакви операции, како што известува Анса.
Активноста што пациентот ќе ја изврши за време на операцијата е избрана врз основа на делот од мозокот на кој треба да се оперира, но и врз основа на индивидуалните навики на пациентот. Така, еден пациент свирел труба, еден пациент одбрал да гледа цртани филмови, а еден свирел виолина за време на операцијата.
Donna prepara olive all’ascolana durante l’operazione al cervello #ANSA #sanità https://t.co/jOcccveVHh
— Agenzia ANSA (@Agenzia_Ansa) June 9, 2020