Претседателот Стево Пендаровски објави дека имал кратка средб со српскиот претседател Александар Вучиќ, на која заеднички ја поздравиле денешната одлука на СПЦ за признавање на автокефалноста на МПЦ-ОА.
-Со претседателот на Република Србија, Александар Вучиќ на кратка средба во Давос заеднички ја поздравивме одлуката на СПЦ за прифаќање на автокефалноста на МПЦ – ОА, како чекор во вистинска насока, истакна Пендаровски.
Поглаварот на Српската православна црква (СПЦ), патријархот Пофириј, на богослужба во Скопје рече дека Собранието на СПЦ „едногласно и одобри“ автокефалност на Македонската православна црква – Охридската архиепископија (МПЦ-ОА).
„Воедно, должност на мене и на Архиепископот Стефан и на нашите синоди беше заедно да ги разработиме техничките и организациски детали, а потоа свеченото прогласување ќе биде официјален чин“, рече патријархот Порфириј, говор што беше проследен со голем аплауз во Соборниот храм во Скопје.