Полицијата поднесе кривична пријава за градоначалникот на Охрид, Кирил Пецков, кој наместо да биде во изолација поради Ковид бил на прослава на Водици. Кривична за истото дело добил и секретарот на општината Александар Китески.
-Поради постоење основи на сомнение за сторено кривично дело „непостапување според здравствените прописи за време на епидемија”, СВР Охрид до надлежното обвинителство поднесе кривична пријава против К.П.(37) и А.К.(37), двајцата од Охрид. Пријавените, на 19.01.2022 година се тестирале за дијагностицирање на Корона вирус и, наместо во самоизолација, согласно одлуките за превентивни препораки за заштита на здравјето на населението од заразната болест, истиот ден, присуствувале на јавната верска манифестација по повод верскиот празник „Богојавление- Водици 2022 година” одржана во Охрид, сопштија од МВР.