Пицата е една од омилените брзи намирници, а се чини дека не е толку штетна по нашето здравје.
Ако пицата е подготвена од свежи состојки, може да ги ублажи симптомите на ревматоиден артритис, покажа истражувањето.
Тоа е автоимуна болест која се јавува кога имунолошкиот систем погрешно ги напаѓа здравите клетки, предизвикувајќи воспаление и оток. Болната состојба предизвикува вкочанетост во зглобовите, а лек нема.
Научниците од Италија, домот на пицата, открија дека јадењето најмалку половина пица неделно може да помогне да се намали болката предизвикана од ревматоиден артритис до 80 отсто.
Експертите велат дека ова се должи на антиинфламаторните својства кои се наоѓаат во некои од свежите состојки.
„Поволните ефекти веројатно се должат на моцарелата и, во помала мера, на маслиновото масло, но не можевме да го процениме можниот ефект на сосот од домати“, напишаа истражувачите во заклучокот од студијата објавена во списанието Nutrients.
Експертите ја анализирале врската помеѓу консумирањето пица и нејзиното влијание врз ревматоидниот артритис кај 365 луѓе на возраст меѓу 18 и 65 години. Учесниците кои јаделе половина пица повеќе од еднаш неделно пријавиле намалување на болката во споредба со оние кои јаделе две пици месечно.
Оние со тешки форми на болеста кои јаделе половина пица неделно доживеале намалување на болката за 80 отсто во споредба со групата која ја консумирала поретко.