Хрватскиот премиер Андреј Пленковиќ рече дека нема потреба за прогласување вонредна состојба во земјата поради епидемијата на коронавирусот.
– Нема потреба. Владата функционира, хрватскиот Парламент функционира, така што се што треба да сторат сите демократски институции – тие го прават. Нема никаква посебна причина, изјави Пленковиќ во тв емисија, запрашан за можноста за вонредна состојба доколку се влоши ситуацијата со епидемијата.
Тој потсети дека се воведени рестриктивни мерки, но не и полициски час, како некои други земји.
Хрватскиот премиер смета дека дека луѓето ја сфаќаат сериозноста на ситуацијата и дека во најголем случај реагираат исклучително одговорно.
Тој рече дека за помош на претпријатијата и економијата Владата воведе два пакета во време на епидемијата и земјотресот во Загреб, а најави и нови економски мерки во согласност со околностите.
Во Хрватска од коронавирус се заразени 1.495 лица, а починаа 21.