По разговорот со српскиот претседател, Лајчак повикува на воздржаност

Специјалниот претставник на ЕУ за Западен Балкан, Мирослав Лајчак, преку порака на Твитер објави дека синоќа имал „долг, тежок, но фер разговор“ со претседателот на Србија, Александар Вучиќ. и ги повика „сите на воздржаност“.

„Сметам на одговорното однесување на сите да покажат воздржаност заради безбедност и стабилност. Насилството мора да се избегне“, напиша Лајчак утрово на Твитер. „Се согласивме дека сите договори во дијалогот мора да бидат поддржани и целосно имплементирани“, додаде тој.

Вучиќ синоќа во Белград се сретна со Лајчак во време кога се зголемија тензиите меѓу Белград и Приштина поради несогласувањата околу пререгистрацијата на возилата со српски регистарски таблички на Косово, потсетува Бета.