Министерот за внатрешни работи, Оливер Спасовски истакна дека за говорот на омраза на социјалните мрежи министерството за внатрешни работи веќе покренало пет постапки.

„Тоа е чувство на човечки пораз, лично, чувствувам дека како луѓе не можеме да се издигнеме пред се, дека сакаме да се почитуваме меѓу себе, туку напротив, можеби политичките, верските и националните поделби ги ставаме пред човечкиот живот што е нешто најсвето. Таков говор на омраза апсолутно ме прави понижен и поразен кога доаѓа дури од универзитетски професор.“, Рече Спасовски во интервју за 1тв.

Министерот за внатрешни работи информира дека се работи на откривање и на други профили на социјалните мрежи преку кои се ширел говор на омраза.

„Веќе се поднесени соодветни пријави во надлежните јавни обивнителства во Скопје, Струмица и во Куманово и секако дека ако се случуваат и во наредните денови ќе имаме реакција“ – посочи Спасовски