Полицаец паднал од службениот мотор, завршил во болница

Полициски службеник вчера завршил во болница откако паднал од службениот мотор, извести МВР.

На 03.06.2023 во 11.50 часот било пријавено дека на регионалниот пат Македонски Брод – с.Самоков мотоцикл „бмв“ сопственост на МВР, управуван од полициски службеник, паднал на коловозот. Во несреќата со тешки телесни повреди се здобил полицискиот службеник, констатирани во Градската болница Прилеп.

Извршен бил увид од Полициската станица Македонски Брод, а известен е и Одделот за внатрешна контрола, криминалистички истраги и професионални стандарди.