587
Министерството за внатрешни работи во текот на вчерашниот ден (27.02.2022) продолжи со засилените акциски контроли во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 23 санкции, 33 мерки за возење под дејство на алкохол, 19 санкции за возење без возачка дозвола.
Изречени се 14 мерки за користење мобилен телефон, 13 санкции за некористење сигурносен појас, пет мерки за возач почетник, пет за нерегистрирани возила.
Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.