Полицискиот час останува на сила во наредните две недели

Полицискиот час од полноќ до 4 часот наутро и работното време на угостителите до 23:30 остануваат на сила уште две недели, ваква одлука донела Комисијата за заразни болести на утринскиот состанок.

Министерот за здравство Венко Филипче пред неколку дена изјави дека иако нема влошување на епидемолошката состојба заради попуштањето на рестриктивните мерки, сепак мерките што во моментов се во сила, треба да останат уште најмалку една недела.

Угостителите бараат укинување на ограничувањето на работното време, на маса да можат да седат повеќе од 4 лица и да има жива музика.

– Дел од угостителските објекти традиционално имаат групи кои вршат анимација на гостите, од кои објектот зависи. Тоа што во моментов е ускратено правото на музичарите, не е проблем само загуба што ја трпат музичарите, туку проблем е што губат и угостителските објекти, изјави претседателот на Независната угостителска комора, Здравко Јосифовски.

Вкупната бројка на Ковид-дијагностицирани лица во нашата земја од почетокот на епидемијата изнесува 154.698, бројката на оздравени пациенти е 145.851, на починати е 5.211, а бројот на активни случаи изнесува 3.636.

Ковид мерки

Полицискиот час останува на сила во наредните две недели

Слични содржини