Повеќе од 15 милиони случаи на коронавирус се официјално регистрирани во Европа откако вирусот пристигна на континентот на почетокот на 2020 година, пренесува агенцијата Франс Прес врз основа на податоците на здравствените власти до вечерва.
Сепак, се чини дека ширењето на вирусот забави во повеќето европски земји. Во регионот на Европа, во последните седум дена во просек се забележани околу 265.000 нови случаи на инфекција дневно, што е пад од девет проценти во споредба со претходната недела.
Педесет и две земји во регионот претставуваат најтешко погодена зона во светот според бројот на случаи на инфекција, пред Латинска Америка и Карибите, со 12,1 милиони случаи и Азија со 11,5 милиони случаи.
Вкупно 55 милиони лица заразени со Ковид-19 се потврдени во светот од почетокот на пандемијата на крајот на минатата година во Кина.