Седум лица загинаа, а 27 се повредени, меѓу кои и тројца пожарникари, при пожар кој избувна во станбена зграда во Париз, јави дописникот на МИА. Другите агенции јавуваат за поголем број загинати, најмалку 8.
Билансот на жртвите во огнената стихија може да биде поголем, имајќи предвид дека огнот се уште не е изгаснат на седмиот и осмиот кат од зградата, која се наоѓа во југозападниот дел од Париз.
Seven reported dead in Paris building fire https://t.co/dt7P1w1Fb2 pic.twitter.com/pX03XzakJV
— Elma Holt (@ElmaElmacholt) February 5, 2019
Пожарот избувнал околу еден часот по полноќ, по што интервенирале ококолу 200 пожарникари.
Пожарникарите спасиле триесетина лица, кои побегнале на покривот од зградата. Евакуирани се и соседните згради.
Во моментов повеќе улици во овој луксузен кварт на Париз се блокирани од полицијата и пожарникарите.
На 12 јануари во силна експлозија на гас во Париз загинаа четири лица.
https://youtu.be/nXxVXtKfu1Q