Актуелно
Почетна / Глобално / Пожар на единствениот руски носач на авиони „Адмирал Кузњецов“ (ВИДЕО)

Пожар на единствениот руски носач на авиони „Адмирал Кузњецов“ (ВИДЕО)

Се запали рускиот носач на авиони „Адмирал Кузњецов“ во текот на поправката на докот во Мурманск, и притоа се повредени три лица, соопшти извор од итната служба.

-Според првичните информации, огнот ја зафатил првата единица за напојување на бродот. Од горната палуба се гледа облак од густ црн чад, наведе извор за Тасс.

Пожарникарите се обидуваат да го изгаснат пожарот, а се верува дека настанал заради непочитување на безбедносните правила во текот на поправката.

Ремонтот на рускиот носач на авиони, што беше користен во руската воена кампања во Сирија како поддршка на сирискиот претседател Башар ал-Асад, почна уште минатата година.

„Адмирал Кузњецов“ во моментов е единствениот руски носач на авиони. Изграден е и спуштен во море во времето на Советскиот Сојуз и требаше да биде првиот носач на авиони во својата класа.

loading...