Венера била погодна за живот – таков заклучок прават научниците од НАСА, врз основа на компјутерско моделирање на климата на оваа планета. “Многу методи кои се користат при моделирањето на климатските промени на Земјата, може да се користат за истражување, како на сегашнaтa, така и на некогашнaтa клима на други планети.
Овие резултати покажуваат дека античката Венера може да била сосема поинаква, отколку што е денес “, вели истражувачот од Институтот за вселенски науки” Годар “кон НАСА Мајкл Веи.
Компјутерската симулација им дозволила на научниците да направат заклучок дека “две милијарди години од раната историја Венера може да имала плиток океан и погодна за живот површина”. Резултатите од истражувањето се објавени во списанието Geophysical Research Letters.
“Бавната ретроградна ротација на Венера ја открива површината за Сонцето, тогаш ја затоплува и формира дожд. Тој доведува до формирање на погуст слој од облаци кои ги вршат функциите на” чадор “, што ја штити површината од голем дел од сончевата топлина”, вели еден од учесниците во проектот – Ентони Дел Џинио. Според него, “како резултат температурата (на планетата) е со неколку степени пониска отколку на Земјата.”
Во процесот на студијата, истражувачите ги симулираат условите под кои Венера се врти околу својата оска со истата брзина како и денес – еден ден на Венера е еднаков на 117 дена на Земјата. При симулацијата научниците поаѓаат од претпоставката дека на Венера може да има атмосфера, слична на земјината атмосфера, а на планетата, како што покажуваат податоците од сондата Pioneer и Magellan, имало плитки океани. Научниците исто така го земале предвид фактот дека Сонцето е со 30% помалку светло отколку денес. Сега, наведува НАСА, атмосферата на Венера, составена од јаглерод диоксид, е 90 пати погуста од атмосферата на Земјата, а температурата на површината на планетата достигнува 462 степени Целзиусови. Исто така на Венера речиси нема водни испарувања.