Осумнаесет лица се приведени поради одбивање да ги почитуваат мерките, колку што ќе бидат и казнети, а 74 добија опомени во првата ноќ под полициски час во Македонија.
Полициски час
Најмногу лица (шест) биле приведени во Кичево, пет во Тетово, по двајца во Гостивар, во Куманово и во Радовиш и едно во Штип.
Состојбата на терен, како што истакнал министерот за внатрешни работи Наќе Чулев, е мирна и најголемиот дел од граѓаните ја почитуваат одлуката на Владата.
Според министерот Чулев, со силна меѓусебна поддршка можеме заеднички да придонесеме во борбата против вирусот, кој е заканата за нашето здравје и нашите животи, и апелира до граѓаните да останат во своите домови, за себе за своето здравје и за својот живот.
– Министерството за внатрешни работи вечерва ќе постапи превентивно, односно ќе ги предупреди граѓаните кои го прекршуваат ограничувањето на движењето, а веќе во текот на утрешниот ден полициските службеници ќе преземаат мерки за санкционирање на граѓаните, истакнал Чулев при вчерашната посета.