353
Делегацијата на Европската Унија и Македонскиот институт за медиуми вечер ќе ги додели наградите „Жан Моне” за најдобри достигнувања во известувањето за прашања поврзани со темата „Да изградиме држава во којашто сакаме да живееме”.
Наградата се доделува за најдобра новинарска статија, најдобра репортерска фотографија и најдобра аматерска фотографија.
Наградата, која годинава се доделува по 17-ти пат, се состои од диплома, статуетка и ваучер за техничка опрема во вредност од 1.000 евра за победниците во категоријата најдобра новинарска сторија и најдобра професионална фотографија, како и диплома и ваучер во вредност од 500 евра за победникот за најдобра аматерска фотографија.