Астронаутот Чарлс Дјук на 20 април 1972 година прв пат зачекорил на Месечинта во рамки на мисијата Аполо 16. Во тоа време, имал 36 години и бил најмлад човек кој шетал по површината на Месечината.
Тој тогаш со себе понел семејна фотографија која и денес лежи на Месечината. На неа Дјук напишал:
„Ова е семејството на астронаутот Чарлс Дјук од планетата Земја кој се спуштил на Месечината 20 април 1972 година.“
На фотографијата се наоѓа семејството на Чарлс Дјук.
– Од секогаш сум сакал да оставам фотографија на Месечината, рекол тој за „Бизнис инсајдер“.
Поминаа повеќе од 43 години откако Дјук чекорел на Месечината и иако неговите стапки веројатно и натаму постојат на површината на природниот сателит, фотографијата веројатно не е во добра состојба.
– Температурата на Месечината во текот на денот расте до 200 степени Целзиусови, а ноќта паѓа на апсолутна нула, рекол Дјук и додал:
– Фолијата на фотографијата сигурно не се однесува добро на такви температури. Изгледаше нормално кога ја оставив, но претпоставувам дека досега целосно избледела, рекол тој.
