Легендарниот рок бенд Ролинг Стоунс по 18 години ќе објави нов албум, прв по смртта на долгогодишниот член, тапанарот Чарли Вотс.
Во среда, Мик Џегер, Кит Ричардс и Рони Вуд ќе гостуваат во шоуто на познатиот американски водител Џими Фалон, каде официјално ќе го промовираат новиот албум „Hackney Diamonds“ и ќе споделат повеќе детали за него, а шоуто ќе биде и достапни на YouTube, пренесува АП.
„Hackney (лондонската населба Хакни) можеби е сржта на Hackney Diamonds, но ова е навистина момент што сакаме да го споделиме со обожавателите ширум светот преку YouTube“, се вели на официјалната веб-страница на бендот.
Промотивната кампања за новиот албум вклучуваше проекција на познатото лого на бендот, имено испакнатиот јазик и усни, на фасадите на познати згради ширум светот, вклучувајќи ги Лондон, Париз и Њујорк.
„Hacnkey Diamonds“ ќе биде првиот албум со нов материјал по „A Bigger Band“ кој беше објавен во 2005 година.