Фондот за директни инвестиции на Русија побарал од словачката влада да врати серија вакцини Спутник V, како таа би се употребила во други земји, се вели во соопштението на официјалниот профил на вакцината на Твитер.
„На 6 април 2021 година, Рускиот фонд испратил писмо со барање да се врати вакцината поради повеќекратно кршење на договорот. На тој начин таа би можела да се користи во други земји “, се објаснува во соопштението.
All Sputnik V batches are of the same quality and undergo rigorous quality control at the Gamaleya Institute. The quality of #SputnikV has been confirmed by regulators in 59 countries.
— Sputnik V (@sputnikvaccine) April 8, 2021
Исто така, се додава дека лабораторијата во Словачка, каде е тестирана серијата вакцини „Спутник V“, која е доставена во оваа земја, не е дел од мрежата на официјални лаборатории на Европската унија.
„За жал, во кршење на постојниот договор, Државниот институт за контрола на лекови обезбеди тестирање на Спутник V во лабораторија што не е дел од мрежата на официјални лаборатории на ЕУ за контрола на лекови, и покрај нивната достапност“, соопштиле од Рускиот фонд.
Покрај тоа, словачкиот регулатор започнал кампања за дезинформација против вакцината. Рускиот фонд побарал од Словачка повторно да ја тестира руската вакцина „Спутник V“ – овој пат во лабораторија акредитирана од Европската унија, се нагласува во соопштението.
Во соопштението се додава дека сите серии Спутник V се со ист квалитет и се предмет на строга контрола на квалитетот во Институтот „Гамалеја“. „Квалитетот на руската вакцина е потврден од регулаторите од 59 земји во светот“, стои твитот.