Русија: Германците и Американците не изненадија за „Северен Тек 2“

од Stefanija Kuzmanovska

Рускиот амбасадор во Германија, Сергеј Нечаев изјави дека Москва никогаш не ја користела енергијата како „оружје“ или како инструмент на притисок.

Тој посочи дека стилот на договорот меѓу Германија и САД за „Северен тек 2“ е неприфатлив.

Нечаев изјави дека е крајно изненаден од содржината и тонот на договорот меѓу овие две земји, пишува ТАСС.

„Русија никогаш не користела енергија како оружје или како инструмент на притисок и веруваме дека ваквиот стил на меѓународна комуникација е неприфатлив“, рече Нечаев.

Амбасадорот додаде дека Русија не е земја против која може да се поставуваат ултиматуми и дека е способна да ја утврди својата политика и енергетска политика без мешање на надворешниот свет и да ги заснова на нивните сопствени интереси.

Слични содржини