САД, Франција, Германија и Канада се согласиле со Велика Британија дека руската влада “речиси сигурно” го  одобрила труењето со нервната материја Новичок на поранешниот руски агент Сергеј Скрипал и неговата ќерка Јулија во англискиот град Солсберска во март, соопштуваат светските новински агенции.

Четирите западни сојузници на Велика Британија ја повикуваат Русија да обезбеди целосно објавување на својата програма за развој и производство на Новичок.

Заедничкото соопштение на четирите земји доаѓа додека лидерите се среќаваат во ОН, за да разговараат за нападот врз Сергеј и Јулија  и   последиците.

Русија и понатаму негира каква било вмешаност во нападот.

Велика Британија обвини двајца Руси, за кои се верува дека се руски воени разузнавачи (ГРУ), како главни осомничени за нападот во Солсбери.

Британскиот премиер Тереза Меј вчера соопшти дека осомничените влегле во Обединетото Кралство со руски пасоши, користејќи имињата Александар Петров и Руслан Боширов. Според неа труењето не било “соло криминална операција”, а е “речиси сигурно” одобрена на високо ниво во руската држава .

Русија скокна врз Лондон поради обвинувањето на Путин за Скрипал

Лидерите го поздравија напредокот на истрагата, но ги повикаа оние кои имаат повеќе информации да се свртат кон британските власти.

” Имаме целосна доверба во британската проценка дека двата осомничени се руски воени разузнавачи , исто така познати како ГРУ”, се додава во соопштението.

Потсетувајќи за протерување на руски дипломати во одговор на нападот во Солсберската, лидерите истакнаа дека заедно веќе презеле акција за спречување на активностите на ГРУ .

Лидерите на водечките западни земји потенцираат дека врската со ГРУ, откриена вчера, ќе ја зајакне нивната намера да работат заедно против странски шпионски мрежи, употребата на хемиско оружје и да се ” заштитиме од сите форми на малициозноста и државна активност насочена против нас и нашите општества “.