САД се против поголема независност на СЗО

од Nikola Popovski

САД, најголемиот сдонатор на Светската здравствена организација (СЗО), се противат на предлозите организацијата да се направи понезависна.

Предлог претходно поднесен од работната група на СЗО за одржливо финансирање, земјите-членки се повикани постепено да ги зголемуваат задолжителните донации до 2024 година, така што нивните пари ќе сочинуваат половина од буџетот на организацијата, наспроти сегашните 20 проценти.

Планот е дел од поширокиот реформски процес поттикнат од пандемијата Ковид-19, која укажа на ограничувањата во способноста на СЗО да реагира на кризи порано.

Поддржувачите на реформата велат дека сегашното потпирање на доброволно финансирање од земјите-членки и добротворни организации, како што е Фондацијата Бил и Мелинда Гејтс, ја принудува СЗО да се фокусира на приоритетите поставени од финансиерите и да ги ограничува критиките од членовите.

Сепак, САД се противат на реформата, изразувајќи загриженост за способноста на СЗО да се соочи со идните закани, вклучително и заканите од Кина, изјавија за Ројтерс официјални лица вклучени во преговорите.

САД се залагаат за создавање на посебен фонд, кој директно би бил контролиран од донаторите, а кој би финансирал превенција и контрола на вонредните здравствени состојби.

Слични содржини