„Сан“: Документите на Пентагон откриваат дека Путин прима хемотерапија

Рускиот претседател Владимир Путин наводно прима хемотерапија, а неговиот најтесен круг би можел да го искористи тоа за заговор против него, стои во „протечените“ документи на Пентагон, тврди британски „Сан“.

Според новопротечените документи, информацијата за саботажа на Путин доаѓа од неидентификуван руски извор со пристап до внатрешните кругови на Кремљ.

Како организатори на наводниот заговор конкретно се споменуваат секретарот на Советот за национална безбедност на Русија Николај Патрушев и началникот на рускиот Генералштаб Валериј Герасимов.