Санкции за 269 возачи во Скопје, 19 од нив возеле во алкохолизирана состојба

од Nikola Popovski

Министерството за внатрешни работи во текот на вчерашниот ден (27.02.) продолжило со засилените акциски контроли во областа на сообраќајот.

Според нивниот извештај, само на територијата на град Скопје изречени се вкупно 269 мерки, меѓу кои за непочитување на брзина на движење 78, 26 санкции за возење без возачка дозвола, 19 за возење под дејство на алкохол.

„Изречени се 17 санкции за користење на мобилен телефон, девет мерки за возач почетник, осум за некористење сигурносен појас, шест за минување на затворен семафор (црвено светло), 37 за непрописно паркирани возила.

Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, велат од полицијата.

loading...

Слични содржини