Шестгодишно момче почина на плажа во Грција откако беше извлечено од морето без свест, јавија денеска грчките медиуми. Во меѓувреме, откриени се нови информации за оваа трагедија која се случила вчера на плажата Мегало Кавуриу во Атика.
Момчето веднаш било пренесено во болница, но лекарите можеле само да констатираат смрт.
Според првите информации, детето било на плажа со родителите кои по несреќата биле приведени.
Во саботата, нешто по 18 часот, детето се оддалечило од родителите кои кампувале во шумата зад брегот и нурнало во морето. Во еден момент од непозната причина детето било видено со главата надоле во водата, не мрдајќи и капачите почнале да викаат помош.
Спасителот кој ја набљудувал плажата допливал до местото на настанот и со помош на капачи го извлекол шестгодишното дете на брегот, пренесува „Прототема“.
Според информациите, неговите родители не разбрале што се случило, не забележале кога тој се оддалечил од нив и отишол во водата.
„Околу шест часот попладне капачите извикуваа дека има дете во морето. За извлекување на детето бил повикан спасител од попладневната смена. Го извадил од морето. Беше во несвест, веднаш беше извршена реанимација според протоколот, потоа му беше применет дефибрилатор кој покажа срцева асистолија, што значи дека детето не давало знаци на живот. На плажата имало и двајца лекари кои му помагале на спасувачот и медицинска сестра. За жал, и покрај натчовечките напори, детето не покажало знаци на закрепнување“, објаснува спасувачот во утринската смена.
Двајца родители се уапсени под обвинение за загрозување на малолетно лице, додека на телото на шестгодишното дете се очекува обдукција за да се утврди точната причина за неговата смрт.