Иако се верува дека коронавирусот за првпат се појави на отворен пазар каде исто така се продаваат диви животни, ваквите пазари продолжуваат да работат во Азија и покрај повиците за затворање.
На туристичкиот остров во Индонезија, забележано е дека на 7 април продавачите на импровизирани шалтери, покрај свежо исечено свинско месо, продаваат и мртви лилјаци, пренесува британски Индипендент.
Неколку илјади милји далеку во провинцијата Гуангжу, југозападно од Кина, мачиња биле понудени за продажба во пренатрупани, валкани кафези, додека на пазарот во Гуангдонг, продавач на народни лекови продавал лекови направени од лилјак и шкорпија за лекување на болести кои се движат од болка во рамото. преку реума, до убод од комарец.
Британскиот весник пишува дека отворените пазари продолжуваат да работат во делови од Кина и Југоисточна Азија, додека еколозите предупредуваат на неразделната врска помеѓу климатските промени, загубата на биолошката разновидност и зоонотските болести како што е коронавирусот, плашејќи се дека тоа нема да биде последната пандемија што ќе го погоди светот.
Иако ваквите пазари не работат или се расчистуваат во големите градови, тие работат непречено во малите градови.
Еколошкиот и виш соработник за студии Екосистем при универзитетот „Кери“, Ричард Остфелд вели дека ризикот од пренесување на вируси од животни на луѓето е поврзан со излачувањето на заразениот животински свет.
„Пренесувањето веројатно може да се направи со убивање и дисекција на животни. Конзумирањето на термички преработена храна не претставува ризик. Да се стават различни видови животни во простории и да се чуваат во нехигиенски услови во кои животните исфрлаат патогени што лесно се пренесуваат на други животни и луѓето е голем ризик по здравјето “, рече тој.
Група кинески научници, вклучително и истражувачи од Националната лабораторија за ветеринарна биотехнологија и Националниот институт за контрола и превенција на вирусни заболувања, откриле дека вирусот не се репродуцира кај кучиња, свињи, кокошки и патки, но дека творовите и мачките биле заразени.
Експертите предупредуваат дека на многу пазари ситуацијата е иста како и пред епидемијата, иако со недели се затворени и дека во моментот нема диви животни за продажба, иако се очекува ова да се промени како резултат на големите профити што тие ги носат, пишува британскиот весник.