Селена Гомез по победата на Трамп: Нема слобода додека сите жени не бидат слободни

Пејачката Селена Гомез сподели порака на својот Инстаграм по резултатите од претседателските избори во САД на кои победи Доналд Трамп.

Селена сподели цитат од американската писателка и феминистка Одр Лорд. Цитатот гласи: „Не можам да бидам слободна додека другите жени не се ослободат, дури и ако нивните окови се различни од моите“. Заедно со цитатот таа додаде: „Тешко ми е денес“.

Камала Харис во текот на својата кампања успеа да собере завиден број на ѕвезди на своја страна, меѓу најпознатите беа: Тејлор Свифт, Еминем, Били Ајлиш, Сабрина Карпентер, Џорџ Клуни, Опра, Роберт Де Ниро итн.