Не помина час откако „Фокс“ го прогласи за победник на изборите, до Доналд Трамп почнаа да пристигнуваат бројни честитки од целиот свет.
Генералниот секретар на НАТО Марк Руте во средата му честиташе на Доналд Трамп откако републиканецот прогласи победа на претседателските избори во САД.
„Само што му честитав на Доналд Трамп за неговиот избор за претседател на Соединетите држави. Неговото лидерство повторно ќе биде клучно за да ја одржиме силната нашата Алијанса. Со нетрпение очекувам повторно да работам со него за промовирање на мирот преку сила преку НАТО“, рече Руте.
Украинскиот претседател Володимир Зеленски во средата му честиташе на Доналд Трамп за неговата „импресивна“ победа.
„Ја ценам посветеноста на претседателот Трамп на пристапот „мир преку сила“, токму овој принцип може практично да доближи до праведен мир во Украина“, рече Зеленски на социјалната мрежа Х.