По најавите на бугарскиот премиер Кирил Петков за решавање на спорот со Македонија во временски период од шест месеци, министерот за надворешни работи, Бујар Османи смета дека е тоа е долг период.
-Шест месеци е предолг период за овој контекст, во кој се наоѓа регионот. Имаме многу отворени прашања, од тоа што се случува во БиХ, дијалогот Србија-Косово и блокадата на Албанија и Македонија. Се плашам дека тој временски период премногу го оптоварува регионот. Се уште има време да се убедиме со Бугарија дека 6 месеци се многу и за нас и за Западен Балкан, рече Османи во гостувањето на емисијата „24 анализа“.
Османи информира дека „долгото име на земјава“ е дел од пакетот 5+1.
-Бугарија очекува нота од наша страна до ОН за да се објасниме дека краткото име е исто со долгото име Република Северна Македонија. Тогаш тие да се повлечат од оспорувањето на едната или другата верзија. Тоа е дел од процесот што го разговаравме. Нема нешто неочекувано, од тоа што го имаме на маса, вели шефот на дипломатијата.