„Врз основа на тоа што имам сработено, имам право да побарам од СДСМ да даде поддршка на мојата евентуална кандидатура за градоначалник на Скопје“, истакна градоначалникот Петре Шилегов за емисијата „Топ тема“.
Тој рече дека очекува неговата матична партија да го поддржи и не гледа причина зошто не би се случило тоа.
„Во изминатите 3 години направивме многу за овој наш град, работи кои биле пропуштени во последните 30 години“, изјави Шилегов.
На прашањето што мисли за истражувањето на Центарот за граѓански комуникации (ЦГК), кое наведе дека се исполнети услови за разрешување на 15 директори на јавни претпријатија, од кои претежно се под капата на Град Скопје, Шилегов изјави дека не е задоволен од сите диретори.
„Сепак, ме радува што самиот Центар констатира дека јавните претпријатија од 2018-2020 години се малку повеќе транспарентни“, вели градоначалникот.