Шојгу објасни зошто е клучно заземањето на Бахмут

Рускиот министер за одбрана Сергеј Шојгу изјави дека освојувањето на градот Бахмут, центарот на повеќемесечните жестоки борби во источна Украина, е неопходно за продолжување на руската офанзива.

„Тој град е важен одбранбен центар за украинските војници во Донбас. Преземањето контрола врз него ќе овозможи спроведување на нови офанзивни операции во длабочина против одбраната на украинските вооружени сили“, рече Шојгу на состанокот со раководството на министерството, пренесоа руските медиуми.

Бахмут е во фокусот на неколкумесечните интензивни борби меѓу Украина и Русија, која се обидува да ја преземе контролата врз областа.