Сенатот на Шпанија денеска на пленарна седница го ратификуваше Протоколот за членство на Северна Македонија во НАТО. Гласањето се одвиваше телематски, без физичко присуство на сенаторите, поради состојбата со коронавирусот во земјата.
Фото: Борче Поповски
„Со нула гласови „против“ шпанскиот Сенат го ратификува Протоколот. Во име на Владата и сите македонски граѓани изразувам благодарност до Шпанија, шпанскиот Сенат, до министерката за надворешни работи што ова прашање беше ставено на дневен ред во вакви тешки околности и во светот и во Европа и за Шпанија, рече министерот за надворешни работи, Никола Димитров.
Тој посочи дека по тридеценискиот обид зза влез во НАТО, откако оваа последна ратификација ќе биде депонирана во Стејт департментот, Вашингтон ќе ја испрати информација до НАТО во Брисел и ние и официјално ќе бидеме поканети да го депонираме Законот за ратификација на Северноатлантскиот договор, кој беше усвоен во Собранието.
Седницата се одржа со видеолинк, бидејќи Шпанија е во категоријата на високоризични држави, а на седницата физички присуствуваше претседателот на Сенатот Пилар Лоп и уште неколку други лица.