Научно е докажано дека домашните миленици нѐ прават посреќни. Можеби ќе звучи изненадувачки, но типот на домашното милениче кое го поседувате зборува многу за вас и за вашиот карактер. Вистина е дека секој од нас може да се поистовети со карактеристиките на некои животни, па тоа влијае и на изборот на домашен миленик.
Мачка
Луѓето кои чуваат мачки се грижливи личности кои секогаш се спремни да им помогнат на другите. Воглавно, тие се малку повлечени, но и нежни и топли луѓе.
Куче
Сопствениците на кучињата се љубители на природата и секогаш се спремни за нови авантури, посебно оние кои вклучуваат излегување на отворено. Тие се страсни за сѐ што прават и сакаат добро да се забавуваат.
Птица
Луѓето кои имаат птица како домашен миленик се креативни и иновативни луѓе кои често имаат оригинални идеи. Тие се луѓе кои секогаш шират позитивна енергија во околината во која се наоѓаат.
Зајак
Оние кои чуваат зајаче се интровертни и ја ценат едноставноста на животот. Воглавно, тие се малку тивки и повлечени луѓе кои живеат во свој свет. Иако се работи за срамежливи луѓе, тие знаат да одвојат време за себе и добро да се забавуваат.
Риби
Оние кои сакаат да имаат рибички во аквариум се многу забавни, отворени и дружељубиви луѓе. Љубопитни се и сакаат постојано да се случува нешто ново околу нив.
Хрчак
Сопствениците на домашните хрчаци се многу интелигентни и секогаш се обидуваат да најдат решение за секој проблем. Имаат одлична смисла за хумор и знаат како да ги насмеат луѓето во своето друштво.
Гуштер
Луѓето кои се одлучиле да чуваат гуштер дома се малку необични и живеат по сопствени правила. Тие се големи борци и ретко се откажуваат од своите цели.