251
Силна експлозија одекна на голем пазар во ерменскиот главен град Ереван, по што избувна пожар. Според извештаите, луѓе останале заробени под урнатините. Министерството за вонредни операции соопшти дека најмалку едно лице загинало, а 20 се повредени и пренесени во болници. На терен се десет противпожарни бригади и спасувачи кои извлекуваат луѓе од под урнатините.
Агенцијата Интерфакс ја цитираше ерменската служба за вонредни операции дека експлозијата се случила во зграда каде што се продаваат огномети на пазарот Сурмалу. Се наоѓа на околу два километри од центарот на Ереван, пренесе АП.
Руската новинска агенција ТАСС ја цитираше изјавата на градоначалникот дека не е познат бројот на луѓе затрупани во урнатините.